Təhlükəsizlik və Müdafiə sektorunun ümumi itkiləri: 2011-ci il, yanvar – sentyabr (29 sentyabradək)

"Doktrina” Jurnalistlərin Hərbi Araşdırmalar Mərkəzi ekspertlərinin kütləvi informasiya vasitələri üzərində həyata keçirdikləri monitorinqin nəticələrinə əsasən 2011-ci ildə ölkənin təhlükəsizlik və müdafiə sektorunda itkilərin ümumi sayında kəskin artım hiss olunur. Mətbuatda əksini tapan məlumatlara istinad edərək adlı siyahı üzrə 2011-ci ilin geridə qalan dövründə Azərbaycan təhlükəsizlik və müdafiə sektorunun itkiləri 73 nəfər təşkil edib. Ötən müddətdə 72 nəfər yaralanıb (və ya xəsarət alıb). Müvafiq dövrdə döyüş itkiləri 9 nəfər (8 nəfər erməni gülləsi, 1 nəfər mina partlayışı), qeyri-döyüş itkiləri isə 64 nəfər təşkil edir. 8 nəfər naməlum səbəbdən, 10 nəfər bədbəxt hadisədən (qar uçqunu, dəm qazından boğulma, ildırım vurması, yıxılma, elektrik cərəyanı vurması və s.), 11 nəfər avtoqəzadan, 8 nəfər xəstəlikdən (və ya zəhərlənmə), 1 nəfər əməliyyat tədbirlərindən, 16 nəfərsə bir-birinə qarşı silah tətbiq etmək - qeyri-nizamnamə hadisələrindən dünyasını dəyişib. 10 nəfərsə intihar edib. Dünyasını dəyişənlərin 66-i Müdafiə Nazirliyinin, 4-ü Dövlət Sərhəd Xidmətinin, 2-i Daxili Qoşunların, 1 nəfərsə Xüsusi Dövlət Mühafizəsi Dəstəsinin hərbi qulluqçusu olub.
Eyni zamanda müxtəlif informasiyalara uyğun olaraq ordudakı bir sıra əlavə itkilərin (sayı 10-dan artıq) baş veridiyi bildirilir. Hazırda “Doktrina” JHAM ekspertləri tərəfindən onların araşdırlması həyata keçirilir. Məlumatlar təsdiq olunacağı təqdirdə onlar ictimaiyyətə təqdim olunacaq.

Yaralılara gəldikdə isə 11 nəfər qeyri-nizamnamə hadisələrindən (o cümlədən ehtiyatsızlıqdan), 5 nəfər intihara cəhddən, 29 nəfər avtomobil qəzalarından, 7 nəfər bədbəxt hadisələrdən, 18 nəfər erməni gülləsindən, 2 nəfər mina partlayışından yaralanıb və ya xəsarət alıb. Onların 10-u Dövlət Sərhəd Xidmətinin, 1-i Hərbi Prokurorluğun, 2-i Xüsusi Dövlət Mühafizəsi Dəstəsinin, 59-u isə Müdafiə Nazirliyinin hərbi qulluqçularıdır.

"Doktrina" JHAM- dan bildirildi ki, 2011-ci ilin sonunda 2003-2011-ci illərdə Azərbaycan təhlükəsizlik və müdafiə sektorunda itkilərin və yaralıların ümumi sayına dair mətbuat konfransı keçiriləcək və onların adlı siyahısı ictimaiyyətə təqdim olunacaq. Burada söhbət min nəfərə yaxın hərbi qulluqçunun adının açıqlanmasından gedir. Hazırda tədbirlə bağlı Facebook sosial şəbəkəsində aksiya keçirilir. Bu illərdə orduda itkilərə və yaralılara dair mətbuatda dərc olunmamış informasiyaya malik olanlardan həmin məlumatı doktrina.jham@gmail.com ünvanına göndərmələri xahiş olunur.

"MilAz" İA

NATO bu gün Azərbaycan üçün Qarabağ münaqişəsinin nizamlanmasında yoxlanılmamış imkanlar məkanıdır

Azərbaycan tərəfi Qarabağdaklı terrorçu qruplara qarşı mübarizədə NATO-dan indiyədək hər hansı rəsmi dəstək istəməyib. NATO dairələrinə yaxın bir şəxs mənə bildirmişdi ki, əvvəlcə Azərbaycan müraciət eləsin, sonra baxarıq bu məsələyə. Doğurdan da mən hesab edirəm ki, Azərbaycan Dağlıq Qarabağ münaqişəsinin nizamlanmasında NATO-nun bu günkü mövqeyindən və nüfuzundan istifadə etməli və bu təşkilatın müxtəlif icra və rəhbər qurumlarına müraciətlər və təkliflər göndərməlidir. Məhz bundan sonra vəziyyətin necə olacağını bilmək olar. Əslində NATO bu gün Azərbaycan üçün Qarabağ münaqişəsinin nizamlanmasında yoxlanılmamış imkanlar məkanıdır. Amma bu məkana daxil olmaq və onun potensialından istifadə etmək üçün sözsüz ki, Azərbaycan da öz üzərinə düşən öhdəlikləri yerinə yetirməldiir. Burada söhbət Azərbaycan – NATO əməkdaşlığı çərçivəsində imzalanmış sənədlərdə əksini tapan hərbi-siyasi və iqtisadi islahatlardan və onların yerinə yetirilməsindən gedir.

Azərbaycan Respublikasının Təhlükəsizlik və Müdafiə sektorunun ümumi itkiləri

26 sentyabr 2011

“Doktrina” Jurnalistlərin Hərbi Araşdırmalar Mərkəzi

2011-ci il, yanvar – sentyabr (26 sentyabradək)

Cəsur Sümərinli, “Doktrina” JHAM rəhbəri

“Doktrina” Jurnalistlərin Hərbi Araşdırmalar Mərkəzi ekspertlərinin kütləvi informasiya vasitələri üzərində həyata keçirdikləri monitorinqin nəticələrinə əsasən 2011-ci ildə ölkənin təhlükəsizlik və müdafiə sektorunda itkilərin ümumi sayında kəskin artım hiss olunur. Mətbuatda əksini tapan məlumatlara istinad edərək adlı siyahı üzrə 2011-ci ilin geridə qalan dövründə Azərbaycan təhlükəsizlik və müdafiə sektorunun itkiləri 72 nəfər təşkil edib. Ötən müddətdə 72 nəfər yaralanıb (və ya xəsarət alıb). Müvafiq dövrdə döyüş itkiləri 9 nəfər (8 nəfər erməni gülləsi, 1 nəfər mina partlayışı), qeyri-döyüş itkiləri isə 63 nəfər təşkil edir. 8 nəfər naməlum səbəbdən, 10 nəfər bədbəxt hadisədən (qar uçqunu, dəm qazından boğulma, ildırım vurması, yıxılma, elektrik cərəyanı vurması və s.), 11 nəfər avtoqəzadan, 7 nəfər xəstəlikdən (və ya zəhərlənmə), 1 nəfər əməliyyat tədbirlərindən, 16 nəfərsə bir-birinə qarşı silah tətbiq etmək - qeyri-nizamnamə hadisələrindən dünyasını dəyişib. 10 nəfərsə intihar edib. Dünyasını dəyişənlərin 65-i Müdafiə Nazirliyinin, 4-ü Dövlət Sərhəd Xidmətinin, 2-i Daxili Qoşunların, 1 nəfərsə Xüsusi Dövlət Mühafizəsi Dəstəsinin hərbi qulluqçusu olub.

Eyni zamanda müxtəlif informasiyalara uyğun olaraq ordudakı bir sıra əlavə itkilərin (sayı 10-dan artıq) baş veridiyi bildirilir. Hazırda “Doktrina” JHAM ekspertləri tərəfindən onların araşdırlması həyata keçirilir. Məlumatlar təsdiq olunacağı təqdirdə onlar ictimaiyyətə təqdim olunacaq.

Yaralılara gəldikdə isə 11 nəfər qeyri-nizamnamə hadisələrindən (o cümlədən ehtiyatsızlıqdan), 4 nəfər intihara cəhddən, 29 nəfər avtomobil qəzalarından, 7 nəfər bədbəxt hadisələrdən, 1 nəfər xəstəlikdən, 18 nəfər erməni gülləsindən, 2 nəfər mina partlayışından yaralanıb və ya xəsarət alıb. Onların 10-u Dövlət Sərhəd Xidmətinin, 1-i Hərbi Prokurorluğun, 2-i Xüsusi Dövlət Mühafizəsi Dəstəsinin, 59-u isə Müdafiə Nazirliyinin hərbi qulluqçularıdır.

2011-ci ildə (yanvar-26 sentyabr) Azərbaycanın təhlükəsizlik və müdafiə sektorunda baş verən itkilərin göstəriciləri

Səbəblər	Say
Qeyri nizamnamə hadisələri	16
Intiharlar	10
Avtomobil qəzaları	11
Bədbəxt hadisələr	10
Erməni gülləsi	8
Mina və sürsat partlayışı	1
Xəstəliklər (zəhərlənmə)	7
Müəmmalı və ya naməlum ölümlər	8
əməliyyat tədbirləri zamanı	1
İtkilərin ümumi sayı	72
Yaralananlar(xəsarət alanlar)	72

2011-ci ildə (yanvar-26 sentyabr) Azərbaycanın təhlükəsizlik və müdafiə sektorunda yaralıların (xəsarət alanların) göstəriciləri

Səbəblər say Qeyri nizamnamə hadisələri (o cümlədən ehtiyatsızlıq) 10 Intihar cəhdləri 4 Avtomobil qəzaları 29 Bədbəxt hadisələr (yanğın, yıxılma) 7 Erməni gülləsi 18 Mina partlayışı 2 Xəstəlik 1 Yaralananlar(xəsarət alanlar) 72

"Doktrina" JHAM- dan bildirildi ki, 2011-ci ilin sonunda 2003-2011-ci illərdə Azərbaycan təhlükəsizlik və müdafiə sektorunda itkilərin və yaralıların ümumi sayına dair mətbuat konfransı keçiriləcək və onların adlı siyahısı ictimaiyyətə təqdim olunacaq. Burada söhbət min nəfərə yaxın hərbi qulluqçunun adının açıqlanmasından gedir. Hazırda tədbirlə bağlı Facebook sosial şəbəkəsində aksiya keçirilir. Bu illərdə orduda itkilərə və yaralılara dair mətbuatda dərc olunmamış informasiyaya malik olanlardan həmin məlumatı doktrina.jham@gmail.com ünvanına göndərmələri xahiş olunur.

Orduda sosial rifah problemləri - TƏHLİL

Azərbaycanda qüvvədə olan hərbi qanunvericilik sənədlərində hərbi qulluqçular, onların ailə üzvləri, müharibə veteranları, şəhid ailələri və b. sosial rifahını necə gücləndirmək olar?

Azərbaycan Silahlı Qüvvələrinin NATO standartlarına uyğunlaşdırılma prosesi bir çox sahələrdə olduğu kimi, sosial təminat, maddi-texniki təchizat məsələlərində də ciddi addımlar tələb edir. Özəlliklə də Azərbaycanın müdafiə xərclərinin kəskin şəkildə artdığı bir dövrdə hərbi qulluqçuların mənzil təminatı, məvacibləri, onlara ödənilən müxtəlif təzminatların həcmi, hərbçilərin ailə üzvlərinin və ehtiyatda olanların təminatı və s. məsələlər diqqət kəsb edən məsələlərdəndir.

"Doktrina" Jurnalistlərin Hərbi Araşdırmalar Mərkəzinin qarşısında duran hədəflərdən biri də hərbi qulluqçuların sosial rifahı ilə bağlı problemləri ortaya çıxarmaq və onların həlli istiqamətində müxtəlif qanunvericilik təklifləri hazırlamaqdan ibarətdir. Elə bu məqsədlə ölkə Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyələşdirdiyi layihə çərçivəsində həyata keçirilən addımlar orduda sosial durumu gücləndirmək məqsədi güdür.

Layihə çərçivəsində Rusiya, Türkiyə, Gürcüstan, ABŞ, Almaniya, Böyük Britaniya silahlı qüvvələrində sosial rifah məsələləri öyrənildi və eyni zamanda Azərbaycanda aşağıdakı qanun və sənədlərə göz yetirildi:

Konstitusiyanın müvafiq müddəaları (1995); "Azərbaycan Respublikasının silahlı qüvvələri haqqında" (09 oktyabr 1991); "Hərbi qulluqçuların statusu haqqında" (25 dekabr 1991); "Fövqəladə vəziyyət haqqında" (04 fevral 1962); "Hərbi qulluqçuların pensiya təminatı haqqında" (29 aprel 1992); "Hərbi tribunallar haqqında" (27 may 1992); "Azərbaycan Respublikasında hərbi xidmətə çağırışın əsasları haqqında" (10 iyun 1992); "Hərbi xidmət haqqında" (03 noyabr 1992); "Müdafiə haqqında" (26 noyabr 1993); "Hərbi vəziyyət haqqında" (06 yanvar 1994); "Hərbi qulluqçuların dövlət icbari şəxsi sığortası haqqında" (20 may 1997); "Hərbi xidmətkeçmə haqqında Əsasnamə" (03 oktyabr 1997); "Veteranlar haqqında" qanun; "Şəhid adının əbədiləşdirilməsi və şəhid ailələrinə edilən güzəştlər haqqında" qanun; "Hərbi qulluqçuların dövlət icbari şəxsi sığortası haqqında" qanun.

Məvacib məsələsi

Layihə çərçivəsində Rusiya, Türkiyə, ABŞ, Almaniya, Böyük Britaniya silahlı qüvvələrində məvaciblərin verilmə qaydaları araşdırılıb. Hesab edirik ki, Azərbaycanda hərbçilərin pul təminatının yeni qayda ilə hesablanmasını nəzərdə tutan xüsusi qanunvericilik aktının qəbuluna ehtiyac var. Bu hesablanmada xidmətin ağırlığı və hərbi qulluqçuların sosial rifahı nəzərə alınmalıdır. Xüsusi olaraq hərbi qulluqçuların məvacibləri və pensiyalar hər dəfə ölkə prezidentinin sərəncam və göstərişi ilə artırılmamalıdır. Bununla bağlı Nazirlər Kabineti çərçivəsində xüsusi mexanizm qəbul olunmalıdır. Mexanizmə görə məvaciblər ölkədəki inflyasiyanın artım səviyyəsinə adekvat olaraq artmalıdır. Hesab edirik ki, müdafiə xərclərinin kəskin artması səbəbindən hərbi qulluqçuların vəzifə və rütbə məvacibləri azı 3 dəfə artırılmalıdır.

Eyni zamanda, bir sıra xidmət növlərinə görə əlavə ödəmələrin həcminin artırılması, xüsusi xidmətkeçmə şəraitinə və sağlamlıq üçün riskli olan xidmətə görə artımın önəmli olması vacibdir.

Təklif edilən məsələlərdən biri Silahlı Qüvvələrdə məvaciblərin 1, 2 və 3 qat sistem əsasında verilməsidir. Cəbhə xəttində xidmətə görə hərbi qulluqçuların məvacibləri 3 qat olmalıdır. Eyni qaydada Qərb standartlarına uyğun olaraq A, B, C təminatı reallaşdırıla bilər. Səngərdə xidmət edən hərbi qulluqçuların vəzifə məvacibləri 3 qat, cəbhə xəttindəki hərbi hissələrdə (səngərlər və ön cəbhə istisna olmaqla) xidmət edənlərin məvacibləri isə 2 qat olaraq hesablanmalıdır. Arxa cəbhədə xidmət edənlərdə isə bu, 1 qat olmalıdır. Bu sistem ilk öncə Müdafiə Nazirliyinin tabeliyində olan hərbi hissələrdə xidmət edən hərbi qulluqçulara şamil olunmalıdır.

Digər qoşunlarda, məsələn, Daxili Qoşunlarda və Dövlət Sərhəd Xidmətində xidmət edən hərbi qulluqçular cəbhə xəttində, düşmənlə üz-üzə döyüş tapşırığını yerinə yetirməyə cəlb olunsalar, onda onların da məvaciblərinin artırılma qaydalarında yeniliklər edilməlidir.

Müxtəlif növ təzminatlar

Əgər Azərbaycan Silahlı Qüvvələri NATO standartlarına keçirsə, onda xidmətin ağırlığının və qeyri-bərabər bölüşdürülməsinin əvəzi maddi qaydada mütləq ödənilməlidir.

Bu baxımdan təklif edilən məsələlərdən biri 8 saat iş rejimindən artıq xidmət edən, müxtəlif növ döyüş növbətçiliyi çəkən, təlimlərdə iştirak edən hərbi qulluqçulara müxtəlif ödənişlərin verilməsi ilə bağlıdır. Hərbçilər bazar günləri xidmətlərinə görə də əlavə ödəmə ilə təmin olunmalıdırlar.

Hərbi qulluqçulara müxtəlif kompensasiyaların verilməsi tərəfimizdən təklif olunur. Misal üçün, əgər zabit və ya digər hərbi qulluqçular döyüş zonasında xidmət edirsə, ailələrindən ayrı yaşayırlarsa, əlavə xərclərə məcburdurlarsa, onlara xüsusi ödəmələr edilməlidir. Çətin xidmət şəraitində (dağ şəraitində və s.), müəyyən zamanlarda, xüsusilə də aktiv hərbi əməliyyatlar zamanı pulların xərclənməsi mümkün olmadıqda, həmin pullar hərbi qulluqçuların xüsusi bank hesabına köçürülməlidir. Qərb təcrübəsində olduğu kimi, bu vəsaitlərin adi pullardan 5 dəfə çox faizə minməsi təmin olunmalıdır. Hərbi xidmət dövründə bütün əsgər və çavuşların hər növ vergilərdən azad edilməsi zəruridir.

Hərbi qulluqçulara övladlarına görə ödənilən kompensasiyanın miqdarı artırılmalıdır. Bir övlada görə ayda 100 manat müavinət verilməsi təklif edilir. İndi bu göstərici 20 manatdır. Hərbçilər xidmətdə və ehtiyatda pulsuz dərmanlarla təmin olunmalı, tibbi müalicə, əməliyyat hüququna malik olması təmin edilməlidir. Bütün xərclər, ən bahalı əməliyyatların xərcləri belə dövlət tərəfindən ödənilməlidir. Eyni zamanda məzuniyyət məsələsində hərbçilərə xeyli ödəmələr edilməlidir.

Hərbi qulluqçuların xidmət zamanı mülki təhsil müəssisələrində təhsil hüququ təmin olunmalı və bu istiqamətdə onlar üçün imkanlar yaradılmalıdır. Xüsusi olaraq Azərbaycanda hərbi qulluqçular üçün müxtəlif növ güzəşt və imtiyaz paketinin hazırlanması vacibdir.

Qida təminatı

Hərbi qulluqçuların qida təminatını tənzimləyən qanunlarda müvafiq dəyişiklik həyata keçirilməlidir:

- birincisi, hərbi qulluqçuların qida təminatı milliləşdirilməlidir və onun tərkibi hərbçilərin istəyinə uyğun olmalıdır;

- ikincisi, hərbçilərin qida təminatı üçün ayrılan vəsaitin həcmi artırılmalıdır.

Hazırda zabit və gizirlərə aylıq qidalanma üçün ayda 64 manat arasında vəsait verilir. Sözsüz ki, günə 2 manata qidalanma mümkün deyil. O baxımdan qida üçün zabitlərə verilən ödəmələrin səviyyəsinin avtomatik nizamlanması (inflyasiyaya, ərzaq səbətinə və artan ehtiyaclara uyğunluq) vacibdir. Təklif edirik ki, zabitlərə verilən aylıq ərzaq pulunun məbləği 250-300 manatadək artırılsın. Eyni zamanda, cəbhə xəttində ayrıca qidalanmaq istəyən zabitlərin istəyinə uyğun olaraq onlara ayrıca ərzaq pulu verilsin.

Mənzil təminatı

Hərbi qulluqçuların mənzil təminatı Azərbaycan Respublikasının müxtəlif qanunvericilik aktlarında əksini tapan maddələrlə tənzimlənir. Təəssüf ki, bu istiqamətdə xeyli problemlər qalmaqdadır. Hökumətdə bir şeyi dəqiq anlamalıdırlar ki, zabitlərin pulsuz olaraq mənzillə təmin olunmaq hüququ var. Əgər mənzil təminatı işində problemlər varsa, onda hərbi qulluqçulara kirayə üçün xidmət yerindən və zabitlərin statusundan asılı olaraq ayda 150-350 manat vəsait verilməlidir (indi hərbçilərə 47 manat civarında kirayə pulu verilir). Bu məsələ Müdafiə Nazirliyi tərəfindən də nizamlana bilər. Belə olduqda hərbi strukturun nümayəndələri tərəfindən zabitlər üçün kirayə ev tapılır və aylıq olaraq vəsait ödənilir. Eyni zamanda hərbçilər üçün aşağı faizli ipotekaya qoşulma imkanları yaradılmalıdır. Amma bu heç də hərbçilərə dövlət tərəfindən pulsuz mənzil verilməsinin dayandırılması anlamında olmamalıdır.

Pensiya məsələsi

Təklif edilən məsələlərdən biri hərbi qulluqçulara tərxis olunan və ehtiyata buraxılan zaman böyük məbləğdə vəsaitin (məvacibinin ən azı 20 qatı) verilməsi ilə bağlıdır. Bu vəsait hərbi qulluqçunun xidmətdən sonrakı həyatını nizamlamağa kömək etməlidir. Pensiyaların miqdarına müntəzəm olaraq parlament tərəfindən baxılmalı və hərbi qulluqçuların maaşlarının artırılmasına və qiymət artımına, inflyasiyaya uyğun olaraq tənzimlənməsi həyata keçirilməlidir. Eyni zamanda tərxis olunan şəxsin bir neçə ilin pensiyasını əvvəlcədən ala bilməsinə imkanlar yaradılmalıdır. Ümumilikdə təklifimiz bundan ibarətdir ki, hərbi pensiyalar sisteminin islahatı haqqında qanun qəbul edilməli və ciddi dəyişikliklər aparılmalıdır.

"Doktrina" Jurnalistlərin Hərbi Araşdırmalar Mərkəzi

Orduya rəhbərlik uğrunda mübarizənin ikinci mərhələsi: yeni müdafiə naziri kim olacaq? – ARAŞDIRMA

00:05 25-09-2011 Müdafiə Nazirliyinin rəhbərliyində baş vermiş qarşıdurma prosesi səngisə də yaxın günlərdə bu prosesin sərt nəticələri ortada ola bilər. Bu barədə “MilAz” İnformasiya Agentliyinə Müdafiə Nazirliyinə yaxın hərbi mənbədən məlumat verilib. Mənbənin sözlərinə görə, hazırda nazirliyin mərkəzi aparatında bir sıra məmurlar üçün əsl “çemodan əhval-ruhiyyəsi” hökm sürür. Belə ki, hazırkı nazir Səfər Əbiyevə yaxın bir sıra yüksək vəzifəli məmurlar Müdafiə Nazirliyinin rəhbər heyətində dəyişikliklər dövrünün yetişdiyinin vaxtının çatdığı qənaətindədirlər.

“Nazirliyin kuluarlarında gəzən söz-söhbətə görə, Azərbaycan Silahlı Qüvvələrinin rəhbər heyətində dəyişiklik dövrünə start verilib. Bu dəyişiklik nəticəsində, indiki nazir Səfər Əbiyev nazir postunu təhvil verəcək, Silahlı Qüvvələrin Baş Qərargah rəisi general-polkovnik Nəcməddin Sadıkov isə öz mövqelərini daha da möhkəmləndirəcək. Bir başqa informasiyaya görə isə, N.Sadıqov prezident yanında uzun illərdir formalaşdırlılmaqda olan, hələ tam qurulmamış Ali İnspeksiya İdarəsinə rəhbər təyin olunacaq”, - deyə mənbə bildirdi.

“MilAz” İA-nın araşdırmalarına görə, Müdafiə Nazirliyində kadr dəyişikliyinin aparılması ilk baxışdan vaxtı çatmış və yerinə yetirilməsi asan olan proses təsiri bağışlasa da, əslində vəziyyət göründüyü kimi deyil. Çünki faktik olaraq mübarizə iki tərəf arasında və özü də rəsmi və qeyri-rəsmi tərəflər arasında gedir. Burada söhbət Əbiyev və Sadıkovun tərəfində və nəzarətində olan zabitlərin mübarizəsi ilə yanaşı bu iki generala yaxın olan və orduda bir sıra istiqamətlərdə maddi maraqlar güdən şəxslərin qarşıdurmasından gedir.

Əldə etdiyimiz məlumatlara görə, sentyabr ayının birinci on günlüyündə tərəflər bir araya gəlib mübarizənin müvəqqəti dayandırılması barədə razılığa gəlsə də, təxminən son bir həftə ərzində Müdafiə Nazirliyinin kuluarlarında gəzən söhbətlər münasibətləri yenidən gərginləşdirib. Hərbi mənbələr bildirir ki, hazırda Əbiyev və Sadıkova yaxın şəxslər öz var-dövlətlərini və eyni zamanda gəlir yollarını qorumaq yollarını axtarırlar. Amma əgər ölkə başçısı sözügedən iki general barədə kəskin qərar qəbul etsə, onda vəziyyət onların tərəfdarları üçün heç də ürəkaçan olmayacaq. Kütləvi yoxlamalar, araşdırmalar, həbslər və s. mümkündür.

“MilAz” İA-ya bir sıra digər məlumatlar daxil olmaqdadır. Bir sıra məlumatlara görə, hökumətdə Əbiyevdən sonrakı müdafiə nazirinin şəxsiyyəti barədə müzakirələrə start verilib. Bu istiqamətdə müxtəlif maraqlı tərəflərin öz istəkləri və əlbəttə ki namizədləri var. Amma tərəflər bir məsələdə demək olar ki yekdildirlər: Əbiyevdən sonrakı müdafiə naziri mütləq mülki şəxs olmalıdır.

Mülki müdafiə naziri postuna namizədlərə gəldikdə isə, bir sıra namizədlərə istinad edilir. Mövqelərdə parçalanmalar da var. Bir qrup rəsmilər yeni müdafiə naziri kimi ehtiyata çıxmış yüksək rütbəli hərbçilərdən birinin gətirilməsini arzu edirlər. Onların fikrincə, hazırda Müdafiə Nazirliyində yüksək vəzifə tutan şəxslərdən biri (sözsüz ki, dəstəklənən) istefaya və ya ehtiyata göndərilə bilər və bu zaman həmin şəxsin mülki müdafiə naziri təyin olunması mümkündür. Bu mövqeni dəstəkləyənlərin əsas arqumenti Müdafiə Nazirliyindəki oturuşmuş və maliyyə maraqları güdən rəsmi və qeyri-rəsmi məmurların maraqlarını qorumaq olsa da, onlar öz arqumentlərinə Azərbaycanın Ermənistanla münaqişə şəraitində olduğunu əsas gətirirlər.

Bir qrup rəsmilər isə, mülki müdafiə naziri postuna hərbçi olmayan, amma Azərbaycanın hərbi-siyasi problemləri ilə yaxından tanış olan, ictimai imici müsbət olan məmurlardan birinin təyin olunmasını istəyirlər. Onların fikrincə, bu proses nəhayət, Azərbaycanın Müdafiə Nazirliyinin yuxarı strukturlarında ciddi islahatlarla müşayiət olunmalı, Müdafiə Nazirliyi aparatının Silahlı Qüvvələrin Baş Qərargahından ayrılması ilə nəticələnməlidir. Belə şəraitdə müdafiə nazirinin vəzifəsi Silahlı Qüvvələrin ölkə daxilində, parlamentdə lobbiçiliyini həyata keçirmək, xaricdə isə ayrı-ayrı hərbi-siyasi xarakterli toplantılara qatılmaq və sazişlər imzalamaq olmalıdır.

Proseslə bağlı məlumatlar gəlməkdə davam edir. “MilAz” İA-nın məlumatlarını isləməkdə davam edin.