Total Pageviews

Wednesday, August 8, 2012


Əsgərin beyni və orqanları niyə çıxarılıb? Valideynləri əsgərin döyülərək öldürüldüyünü iddia edir.– ÖZƏL
16:47 07-08-2012
Bu gün Müdafiə Nazirliyinin mətbuat xidmətinin təsdiqlədiyi məlumata görə, Naxçıvanda yerləşən “N“ saylı hərbi hissəsində 1994-cü il təvəllüdlü Bəyov Tayfur Hacıkərim oğlu hemoqradik vaskulit xəstəliyindən hospitalda dünyasını dəyişib.
T. Bəyovun bu ilin aprel ayında Qusar rayonundan həqiqi hərbi xidmətə çağırıldığı bildirilir.

Amma ailəsi övladlarının cəsədi üzərində işgəncə izləri olduğu üçün döyülərək öldürüldüyünü iddia edirlər. Mərhum əsgərin əmisi oğlu Rövşən Bəyov milaz.info portalına açıqlama verib. Onun sözlərinə görə, əsgərin döyülərək öldürülüb və hər hansı xəstəlikdən söhbət gedə bilməz.

R.Bəyov bildirdi ki, avqustun 4-də Tayfur Bəyov atasına zəng edərək 15 manat göndərməsini istəyib. Atası bu pulu dünən övladına göndərib. “Dünən axşam saat 11-də hərbi hissədən atasına zəng edib bildirdilər ki, oğlunuzun vəziyyəti pisdir və bu səbəbdən onu Bakıdakı hərbi hospitala gətirirlər. Daha sonra gecə saat 4-də bildirdilər ki, əsgər dünyasını dəyişib”, - deyən R.Bəyov bildirib ki, bu gün gündüz saat 12-dək əsgərin nədən dünyasını dəyişməsinin səbəbləri valideynlərinə açıqlanmayıb.

“Saat 12-də zəng edib dedilər ki, böyrək çatışmazlığından vəfat edib. Bundan sonra əsgərin meyidini evlərinə gətiriblər. Bu zaman onun beyni və daxili orqanları çıxarılmışdı. Valideynlərinin razılığı olmadan onun daxili orqanlarını çıxardıblar”, - deyə R.Bəyov bildirdi.

Onun sözlərinə görə, əsgərin meyitinin üzərində olan çoxsaylı ləkələr onun döyülərək öldürülməsindən xəbər verir. “Biz sona qədər mübarizə aparacağıq ki, əsgəri öldürən cinayətkarlar cəzalarını alsınlar”, - deyə o bildirdi.

Milaz.info

Monday, July 9, 2012

Təhlükəsizlik və Müdafiə sektorunun ümumi itkiləri (9 iyuladək) - STATİSTİKA
14:18 09-07-2012
“Doktrina” Jurnalistlərin Hərbi Araşdırmalar Mərkəzinin kütləvi informasiya vasitələri üzərində həyata keçirdikləri monitorinqin nəticələrinə əsasən adlı siyahı üzrə 2012-ci ilin geridə qalan dövründə Azərbaycan təhlükəsizlik və müdafiə sektorunun itkiləri 47 nəfər təşkil edib. Ötən müddətdə 56 nəfər yaralanıb (və ya xəsarət alıb). Müvafiq dövrdə dünyalarını dəyişənlərin 10-u döyüş (10 nəfər erməni gülləsi), 2-si mina, 1-i əməliyyat, 34-ü isə qeyri-döyüş itkiləridir.
5 nəfər bədbəxt hadisədən (dəm qazından boğulma, elektrik cərəyanı vurma, üzərinə beton düşmə, suda boğulma), 4 nəfər avtoqəzadan, 1 nəfər naməlum səbəbdən, 2 nəfər ehtiyatsızlıqdan, 8 nəfər qeyri-nizamnamə hərəkətlərindən, 6 nəfər xəstəlikdən dünyasını dəyişib. 8 nəfər intihar edib (güllələnmə). Dünyasını dəyişənlərin 41-i Müdafiə Nazirliyinin, 4-ü Dövlət Sərhəd Xidmətinin, 1-i Daxili Qoşunların, 1-i isə Milli Təhlükəsizlik Nazirliyinin hərbi qulluqçularıdır.

Yaralıların və xəsarət alanların sayı 56 nəfər təşkil edib. Onların 10-u qeyri-nizamnamə hadisələrindən (o cümlədən ehtiyatsızlıqdan), 10-u erməni gülləsindən, 6 nəfər mina partlayışından, 1-i xəstəlikdən, 6-ı bətbəxt hadisədən (donvurma, qonşusunun bıçaq yarası, üzərinə beton düşmə), 3-ü əməliyyat tədbirlərindən, 20-si isə avtoqəza nəticəsində yaralanıblar və ya xəsarət alıblar. 51 nəfər Müdafiə Nazirliyinin hərbi qulluqçusu (o cümlədən 1 nəfər Ali Hərbi Məktəbin kursantı), 4 nəfər Milli Təhlükəsizlik Nazirliyinin hərbi qulluqçusu, 1 nəfərsə FHN Akademiyasının müdavimidir.

 Əsgərimizin taleyi bu qədərmi ucuzdur onlar üçün?

Eldar Sabiroğlunun rəhbər olduğu mətbuat xidmətindən bundan artığını gözləmək olmazdı...

Hebib Müntezirin mene ünvanladığı sualla bağlı başıma gör nə iş gəldi. Dəyərli insan məndən iyulun 5-də Füzuli istiqamətində Elmir Kərimov adlı əsgərimizin erməni snayperindən şəhid olması xəbərinin nə dərəcədə doğru olduğunu dəqiqləşdirməyimi istədi. 

Mən də bu məsələyə aydınlıq gətirmək üçün indilərdə Müdafiə Nazirliyinin aşağıdakı iki nömrəsinə: 510 59 02 və 538-92-71 -ə zəng etdim. İkincidə telefonun dəstəyini qaldıran şəxs özünü təqdim eləmədi və sualımı dinlədikdən sonra telefonun dəstəyini yerə atdı. Bundan sonra nömrələrin hər ikisinə zəng etdim, "alo" sözümü eshidib telefonun dəstəyini yerə atırlar. Məcbur olub nazirliyin e-mailine ve resmi muracietler bölümünə sorğu göndərdim. Görək nə cavab verəcəklər....

Eldar Sabiroğlunun rəhbər olduğu mətbuat xidmətindən bundan artığını gözləmək olmazdı... Əsgərimizin şəhid olub-olmaması dair suala "bəli" və ya "xeyr" cavab verilməsi bu qədər çətindirmi? Əsgərimizin taleyi bu qədərmi ucuzdur onlar üçün?


Saat 13.45. Elə indicə telefonun dəstəyini Eldar Sabiroğlu qaldırdı. Sualı eşidən kimi dəstəyi yerə atdı... Bu dəfə MN-ə səsli mesaj da göndərdim....

Sunday, July 8, 2012

Müdafiə Nazirliyindəki Sovet kafalıları tarixin arxivinə göndərməyin vaxtı çatıb.....

Azərbaycanın son 15 il ərzində ordu quruculuğu üzrə itirdiyi fürsətləri, imkanları, vəsaitləri və resursların miqyasını təsəvvür eləmək belə heyrətləndiricidir

1995-ci ildə Səfər Əbiyevin müdafiə naziri vəzifəsinə təyin olunması Əliyevlər rejiminin çoxsaylı səhflərindən biridir. Bu, bəlkə də ən böyük səhfdir .... Bunun nəticəsində torpaqlarımızın uzunmüddətli işğalda qalması rəsmiləşdi, orduda korrupsiya və rüşvətxorluq tüğyan etməyə başladı, hərbi kadrların başına min oyun gətirildi, orduda sağlam münasibətlərin formalaşması əvəzinə nizam-intizam qaydalarının kobud şəkildə pozulması, ordunun cəmiyyətdə nüfuzunun olmaması az qala ənənə halına düşdü. Təsəvvür edin ki, Əbiyevin özü və onun rəhbərlik etdiyi generalların hərəkətləri (və ya hərəkətsizliyi) nəticəsində zabitlərimiz təməl təminatlar - qida və mənzil dərdi ilə üzbəüz qalıb.

Azərbaycanın son 15 il ərzində ordu quruculuğu üzrə itirdiyi fürsətləri, imkanları, vəsaitləri və resursların miqyasını təsəvvür eləmək belə heyrətləndiricidir. Bu itkilərdə ölkəni idarə edən hərbi-siyasi rəhbərliyin birbaşa günahı var. Müdafiə nazirinin bu prosesdə məsuliyyəti ölçüyəgəlməzdir.

Başa düşürəm bu bir sistem xəstəliyididir. Amma əminəm ki, Azərbaycanın REAL demokratik hakimiyyəti Əbiyev kimi generalları heç bir vəchlə vəzifəyə təyin etməyəcək. Müdafiə naziri və onun müavinləri vəzifəsinə ölkənin demokratik inkişafına töhfə verəcək, korrupsiya və rüşvətxorluğa qarşı amansız mübarizə aparacaq, orduda insan haqlarının qorunmasına çalışacaq, zabitlərin maddi durumunun yüksəldilməsi istiqamətində konkret addımlar atacaq, ən əsası şəxsi intriqalarla deyil, ordunun döyüş hazırlığının qaldırılması ilə məşğul olacaq, NATO standartları üzrə təhsili almış generallar, zabitlər, vətəndaşlar təyin olunacaq...

Belə olacağı təqdirdə Azərbaycanı qoruya biləcək, torpaqlarımızı işğaldan azad edə biləcək bir ordumuzun olacağına arxalana biləcəyik. Sovet kafalıları tarixin arxivinə göndərməyin vaxtı çatıb.....
Cəsur Sümərinli

"The civil society support for Azerbaijan's struggle against terrorism" 

Bu layihə "Doktrina" Jurnalistlərin Hərbi Araşdırmalar Mərkəzi tərəfindən 2012-ci ilin aprel-avqust aylarında keçirilir. Dəstəkləyən qurum: QHT-lərə Dövlət Dəstəyi Şurası

 http://www.youtube.com/watch?v=B6_MTyQjfsE&feature=channel&list=UL

 

Friday, July 6, 2012

Tokio konfransı ərəfəsi: Azərbaycan Əfqanıstan milli ordusunun quruculuğuna daha 1 milyon avro ayıra bilər

Gələn həftə NATO-nun Tokioda keçiriləcək toplantısı öz miqyasına və qəbul ediləcək qərarlara görə çox mühümdür. Bu toplantıda Əfqanıstanda sabitləşdirmə əməliyyatları müzakirə mövzusu olacaq. Diqqət xüsusilə də 2014-cü ildən sonraya - İSAF qoşunlarının çıxmasından sonrakı vəziyyətə yönələcək.

NATO Əfqan milli ordusu quruculuğu üçün ümumilikdə 4 milyard avro vəsaitə ehtiyac duyur. Bu günlərdə Qərb mənbələrindən əldə etdiyim məlumata görə, Azərbaycan Tokio konfransı ərəfəsində Əfqanıstanın milli ordu quruculuğuna daha 1 milyon avro ayıracağını bəyan edəcək. Tokioda 70 ölkədən nümayəndənin iştirakı gözlənilir. Onlar arasında Azərbaycan xarici siyasət idarəsinin təmsilçilərinin olacağı istisna deyil.

Həmçinin nəzərə alınmalıdır ki, bu günlərdə Pakistan öz ərazisini NATO-nun Əfqanıstan daşımalarına açıq elan edib. Bu əslində Azərbaycan - NATO əməkdaşlığına təsir edən məsələdir. Pakistan 7-8 ay müddətində öz ərazisini bağlamaqla Rusiyanın, Orta Asiyanın və Qafqazın (o cümlədən Azərbaycanın) tranzit dəyərini artırmışdı. İndi isə Pakistanın bu qərarı qəbul etməsi bir sıra ölkələrlə yanaşı Azərbaycanın da maraqlarına təsirini göstərir.... Bu barədə yaxın vaxtlarda....

Cəsur Sümərinli

Tuesday, July 3, 2012

“NATO-nun Dağlıq Qarabağ münaqişəsi ilə bağlı strateji qərar verməsinin vaxtı yetişib” – “Doktrina” JHAM sədri
13:21 09-06-2012
Xəbər verdiyimiz kimi, iyunun 8-də Bakıda “Azərbaycan və NATO əməkdaşlığı NATO-nun Çikaqo Sammitindən sonra: Əməkdaşlıq üçün yeni perspektivlər” adlı beynəlxalq konfrans keçirilib. Tədbir Azərbaycan Hüquqşünasları Konfederasiyası, Azərbaycan Respublikasının Milli Elmlər Akademiyasının İnsan Hüquqları Elmi Tədqiqat İnstitutu, Avrasiya Hüquqşünaslar Assosiasiyası, NATO-nun İctimai Diplomatiya Bölməsi və Rumıniyanın Azərbaycan Respublikasındakı Səfirliyinin dəstəyi ilə keçirilib.
Konfransda “Doktrina” Jurnalistlərin Hərbi Araşdırmalar Mərkəzinin direktoru Cəsur Sümərinli “Avroatlantik Əməkdaşlığın İnkişafında Vətəndaş Cəmiyyətinin rolu” mövzusunda çıxış edib.
C.Sümərinlinin sözlərinə görə, Avroatlantik əməkdaşlığın inkişafında Vətəndaş Cəmiyyətinin rolu çox mühümdür. “Ümumilikdə, NATO çərçivəsində, istər çoxmillətli, istərsə də ikitərəfli əsasda qəbul edilən qərarların əsaslı olması, ölkələrin strateji maraqlarına uyğun olması üçün ictimaiyyətlə birbaşa təmasın qurulması çox vacibdir” deyən C.Sümərinli qeyd edib ki, ümumiyyətlə, Avroatlantik inteqrasiyanın bir dəyişilməz qaydası var: “Bütün proseslər, islahatlar cəmiyyətə açıq və şəffaf olmalıdır ki, bu islahatlar davamlı və keyfiyyətli olsun. İctimaiyyətin dəstək vermədiyi islahatlar əslində havaya sovrulmuş vəsaitlər və səylər kimi başa düşülə bilər”.

C.Sümərinli xatırlatdı ki, Azərbaycanın Avroatlantik inteqrasiya kursu onun 2007-ci ildə qəbul olunan Milli Təhlükəsizlik Konsepsiyasında əksini tapıb. Belə ki, həmin sənəddə qeyd olunub ki, Azәrbaycan Respublikası Avropa vә Avratlantik siyasi, tәhlükәsizlik, iqtisadi vә digәr strukturlara inteqrasiya strateji mәqsәdini güdür. Azәrbaycan Respublikası Avratlantik strukturla ilә tәrәfdaşlığı bütövlükdә Avratlantik mәkanda ümumi tәhlükәsizliyә, iqtisadi inkişafa vә demokratiyaya dәstәk verәcәk vasitә kimi görür.
Ekspert bildirdi ki, Azərbaycanla NATO arasında 2005-ci ildə imzalanmış və 2008 və 2011-ci illərdə ikinci və üçüncü mərhələsi ilə davam etdirilən Fərdi Tərəfdaşlığa dair Əməliyyat Planında (İPAP) əksini tapan çoxsaylı öhdəliklərin bir qismi məhz vətəndaş cəmiyyəti ilə əlaqələrin gücləndirilməsi hədəfi ilə bağlıdır. Onun sözlərinə görə, İPAP-da aşağıdakı 2 əsas müddəa əksini tapır:

- Silahlı Qüvvələrin demokratik cəmiyyətin dəyərlərinə maksimal şəkildə cavab verməsinə nail olmaq, demokratik nəzarət mexanizmlərini təkmilləşdirmək.
- Müdafiə məsələlərində cəmiyyətin geniş təbəqələrini fəallaşdırmaq, orduda islahatlarla bağlı cəmiyyəti məlumatlandırmaq.

C.Sümərinli müdafiə və təhlükəsizlik sahəsində islahatların gerçəkləşməsində əsas rıçaqlaardan biri hesab olunan Müdafiə Təsisatlarının Qurulması üzrə Tərəfdaşlığın Əməliyyat Planından da (PAP DIB - Partnership Action Plan on Defence Institution Building) danışdı. Onun sözlərinə görə, bu sənəd «Sülh naminə tərəfdaşlıq» proqramına üzv ölkələrdə konkret müdafiə islahatlarının irəli sürülməsi vasitəsi kimi çıxış edir. PAP-DIB tərəfdaş ölkələrdə həyata keçirilməli olan 10 islahatı məsləhət görür. İslahatların həyata keçirilməsi isə üç məqsədlə bağlıdır: birincisi, müdafiə sahəsinə şəffaf və demokratik nəzarətin tətbiq edilməsi, ikincisi, təhlükəsizlik siyasətinin inkişafında vətəndaş iştirakının təmin olunması, üçüncüsü, müdafiə sahəsi ilə bağlı qanunvericiliyin və məhkəmə sahəsinin düzgün işləməsi.

Məruzəçinin sözlərinə görə, bu gün Azərbaycanda Avroatlantik Əməkdaşlığın inkişafına müsbət təsir göstərən bir sıra proseslər müşahidə olunur: birincisi, QHT strukturlarının fəaliyyətində aktivlik var; ikincisi, media Azərbaycanın Avroatlantik məkana inteqrasiyasına, onun detallarına daha çox diqqət yetirir.

C.Sümərinli Avroatlantik əməkdaşlığa dəstək verən bir sıra Vətəndaş cəmiyyəti strukturlarından danışdı:

- NATO Azərbaycan Beynəlxalq Məktəbi (NİSA) (2005, Bakı). Bu qurum indiyə qədər Azərbaycan – NATO münasibətlərinə dair davamlı sessiyalar (qış və yay), məlumatlandırma konfransları, dəyirmi masalar keçirib;

- “Doktrina” Jurnalistlərin Hərbi Araşdırmalar Mərkəzi (2005, Bakı). Bu mərkəz 2005-ci ildə Azərbaycan və NATO arasında imzalanmış Fərdi Tərəfdaşlığa dair Əməliyyat Planı (İPAP) üzrə cəmiyyətdə məlumatlandırma, təbliğat proseslərinin aparılmasını həyata keçirir;

- “SeDEP” QHT-lər Koalisiyası (2005, Bakı). Bu Koalisiya Azərbaycanda hərbyönlü QHT-lərin ən böyük koalisiyası hesab olunur. Koalisiyanın fəaliyyət istiqamətlərindən biri Azərbaycan – NATO əməkdaşlığının təbliğ olunmasıdır. İndiyə qədər qurum bununla bağlı çoxsaylı tədbirlər, dəyirmi masalar, konfranslar keçirir.

- Milli və Strateji Tədqiqatlar Mərkəzi, Azərbaycanın Avroatlantik inteqrasiyasına aktiv dəstək verən təşkilatlardan biridir.

- Sülh və Münaqişələrin Həlli Mərkəzi. Azərbaycanın Avroatlantik inteqrasiyasına aktiv dəstək verən QHT-lərdən biridir.

- “Atlas” Araşdırmalar Mərkəzi. Azərbaycanın Avroatlantik strukturlara inteqrasiyasını təlqin edən aparıcı strukturlardan biridir.

- Avroatlantik Mərkəz (Bakı, 2006-cı il). Bu mərkəz Axundov adına Dövlət Kitabxanasında yerləşməklə, ölkədə Azərbaycan – NATO əməkdaşlığının təbliğatını, maarifçilik sessiyasını aparır;

- Avroatlantik Mərkəz (Gəncə, 2007-ci il). Bu mərkəz Azərbaycanın Gəncə kimi ikinci böyük şəhərində və ətraf regionlarda Azərbaycan – NATO əməkdaşlığının mövcud və perspektiv vəziyyətinə dair təbliğat prosesini aparır.

- Avrasiya Hüquqşünaslar Assosiasiyası. Bu təşkilat davamlı olaraq Azərbaycan – NATO əlaqələrinə dair mühüm informasiya sessiyaları, beynəlxalq konfranslar həyata keçirib.

- Avro-Atlantik Şura (2011, Bakı). Bu təşkilat Azərbaycanın Avroatlantik əməkdaşlığa dəstək verən QHT və mediasının əsas mərkəzlərindən biri hesab olunur.

- Azərbaycan Hüquqşünaslar Konfederasiyası, NATO ilə əməkdaşlıq mövzusunda aktiv QHT-lərdən biridir. Bu təşkilat Azərbaycan – NATO əməkdaşlığı çərçivəsində ictimai məlumatlandırma sahəsində ən aktiv QHT-lər statusuna daxil olmaqdadır.

- AMEA İnsan Hüquqları Elmi Tədqiqat İnstitutu. Bu struktur eyni zamanda Azərbaycan – NATO əməkdaşlığı çərçivəsində həyata keçirilən elmi tədbirlərin əsas təbliğat mərkəzinə çevrilməkdədir.

- Azərbaycan NATO Əməkdaşlığı İnstitutu (2009, Bakı). Bu təşkilat Azərbaycan – NATO əməkdaşlığı çərçivəsində görülən işlərin təbliği istiqamətində fəal qurumlardan hesab edilir. Bu təşkilat indiyə qədər Azərbaycan – NATO əməkdaşlığına dair çoxsaylı tədbirlər həyata keçirib.

- və başqaları

Avroatlantik əməkdaşlığa töhfə verən media strukturlarına gəldikdə isə, C.Sümərinli NATO-nun İctimai Diplomatiya Bölməsinin Azərbaycanda dəstək verdiyi layihələrdən danışdı:

1. “Ordunun Aynası” əlavəsi, “Ayna” və “Zerkalo” qəzetlərində (2006-cı ildən) NATO İctimai Diplomatiya Bölməsinin dəstəyi ilə;

2. “Diplomatiya və Hüquq” jurnalı, Avrasiya Hüquqşünaslar Assosiasiyası, 2006-2009-cu llərdə NATO İctimai Diplomatiya Bölməsinin dəstəyi ilə;

3. Milaz.info hərbi informasiya portalı, (2010-cu ildə NATO İDB-nin dəstəyi ilə Azərbaycan – NATO əlaqələrinə dair məqalələrin ingilis və rus dillərinə tərcüməsi);

4. “Mingəçevir İşıqları” regional qəzeti (2006-cı ildən etibarən “Ordunun Aynası” əlavəsinin aktiv tərəfdaşı, İctimai Diplomatiya Bölməsi dəstəkləyir);

5. “Cənub Xəbərləri” regional qəzeti (2006-cı ildən etibarən “Ordunun Aynası” əlavəsinin aktiv tərəfdaşı, İctimai Diplomatiya Bölməsi dəstəkləyir);

6. Gəncə Media Mərkəzinin www.ganca.az saytı (2006-cı ildən etibarən “Ordunun Aynası” əlavəsinin aktiv tərəfdaşı, İctimai Diplomatiya Bölməsi dəstəkləyir) və s.

C.Sümərinli bildirdi ki, ümumilikdə, 2004-2012-ci illər üzrə Azərbaycanda vətəndaş cəmiyyətinin ölkənin NATO ilə əməkdaşlığı ilə bağlı bir sıra qənaətləri formalaşıb. Azərbaycanın NATO ilə imzaladığı 200-dən artıq proqram, sənəd, planlar (onlar arasında PfP, İPAP, İPP, PAP-DİB, OCC, PARP və s. əsas qurucu sənədlər hesab olunur) ölkənin milli səviyyədə Avroatlantik inteqrsiyasının geniş vüsət almasının göstəricisidir.

C.Sümərinli bildirdi ki, indiyə qədər Azərbaycan Silahlı Qüvvələrinin 5 min nəfərdən artıq hərbi qulluqçusu NATO-nun müxtəlif plan və proqramları çərçivəsində minlərlə kurs, seminar, konfrans və tədbirlərdə iştirak ediblər; Azərbaycanda ali hərbi təhsil NATO standartlarına uyğunlaşdırılıb; Silahlı Qüvvələrin fəaliyyətini tənzimləyən bir sıra qanunvericilik sənədləri NATO standartlarına uyğunlaşdırılıb; NATO-nun dəstəyi ilə mühüm ekoloji layihələr həyata keçirilib (Aşstafa Saloğlu ərazisinin minalardan və partlamamış döyüş sursatlarından təmizlənməsi, Ələt qəsəbəsində “Melanj” layihəsi); İPAP çərçivəsində Azərbaycan Silahlı Qüvvələrində aşağı səviyyəli ştat-struktur dəyişiklikləri həyata keçirilib; Azərbaycan Quru Qoşunlarının, Hərbi Dəniz Qüvvələrinin və Hərbi Hava Qüvvələrinin imkanları, maddi-texniki təchizatı artırılıb; ölkənin hərbi çağırış sistemində yeniliklər və təkmilləşdirmələr baş verib və s.

Amma ciddi problemlər də qalmaqda davam edir. C.Sümərinli onlardan bəzilərini xatırlatdı. Belə ki, müdafiə və təhlükəsizlik sektorunun NATO standartlarına uyğunlaşdırılması prosesi yekunlaşmayıb; hərbi qanunvericiliyin əsas hissəsinin hələ də NATO standartlarına uyğunlaşması gecikir; ordudakı yüksək səviyyəli idarəetmənin NATO standartlarına uyğunlaşdırlıması prosesi gecikir; aşağı səviyyələrdə həyata keçirilən ştat-struktur islahatları yuxarı səviyyəyə qalxmadı – Müdafiə Nazirliyi aparatında və Silahlı Qüvvələr Baş Qərargahının səlahiyyətləri konkretləşdirilmədi; müdafiə Naziri mülki şəxs olmadı, ümumiyyətlə orduda mülkiləşmə prosesinin aparılması istiqamətində səmərəli addımlar atılmadı; ordunun kadr təminatında ciddi problemlər ortaya çıxdı, NATO standartlarına uyğun təhsil almış kadrlar hələ də Silahlı Qüvvələrdə orta səviyyədək olan vəzifələri bölüşürlər və onların heç biri Müdafiə nazirliyindəki rəhbər vəzifələrə təyin olunmayıb; Silahlı Qüvvələrdə korrupsiya və rüşvətxorluğa qarşı səmərəli mübarizə aparılmır; kəskin şəkildə artırılan hərbi büdcə fonunda hərbi qulluqçuların sosial təminatının NATO standartlarına uyğunlaşdırılması prosesi gecikir; ordu islahatları və ümumiyyətlə NATO ilə imzalanmış bütün sənədlərin tam mətni ictimaiyyət üçün açıq deyil; nə qanunvericilik əsasında, nə də real şəkildə orduya vətəndaş nəzarət mexanizmi yaradılmadı və s. əsas problemlər hesab olunur.

C.Sümərinlinin sözlərinə görə, Azərbaycan Vətəndaş cəmiyyətində ölkənin Avroatlantik məkana inteqrasiya ilə bağlı suallar var:

- Alyansın Cənubi Qafqaz regionunda mövcud və gələcək fəaliyyətə dair fəaliyyət proqramı nədən ibarətdir?

- Azərbaycanın xarici hərbi-siyasi və iqtisadi inteqrasiya strategiyası nədən ibarətdir? (ölkənin Avroatlantik inteqrasiya siyasətinin qeyri-dəqiqliyi) və s.

C.Sümərinli bildirdi ki, ölkədə ictimai rəydə alyansa dəstəyin zəif olmasına gətirib çıxaran bir sıra məqamlar mövcuddur. Belə ki, Rusiyanın Cənubi Qafqaz ölkələrinə artan təsir və təzyiqinin neytrallaşdırılması yollarının bəlli olmaması, ümumilikdə, Alyansın Cənubi Qafqaz problemləri üzrə Rusiya ilə əməkdaşlıq perspektivlərinə malik olmaması əsas problemlərdəndir. Eyni zamanda Alyansın regiondakı münaqişələrin həlli prosesinə müdaxilə etməməsi, təhlükəsizlik təşkilatının belə mövqe sərgiləməsi onun ictimai nüfuzuna xələl gətirən məsələlərdəndir. NATO-nun SNT proqramı çərçivəsində tərəfdaşlara təhlükəsizlik təminatının verilməməsi, NATO plan və proqramları üzrə tərəfdaş ölkələrin üzərinə qoyulan öhdəliklərin yerinə yetirilmə prosedurunun konkret olmaması, islahatların yerinə yetirilib və ya yetirilməməsi üzrə hər hansı şəkildə mükafatlandırma və cəzalandırma mexanizminin olmaması və s. müzakirə hədəfidir.
C.Sümərinli bildirdi ki, müxtəlif tədqiqatlar göstərir ki, hazırda Azərbaycanın ümumi ictimai rəyində NATO-nun nüfuzu o qədər də yüksək deyil. Xüsusilə də ölkənin bir sıra regionlarında, Cənubda və Şimalda antiNATO ovqatı mövcuddur. Ekspert hesab edir ki, bunun aradan qaldırılması istiqamətində alyansın aşağıdakı addlmları atmasına ehtiyac yaranıb.

C.Sümərinli hesab edir ki, NATO tərəfdaş ölkə, o cümlədən Azərbaycanla əməkdaşlığında siyasi aspektləri gücləndirməlidir, siyasi inteqrasiya, siyasi sahədə islahatlar gücləndirilməlidir. O, hesab edir ki, NATO-da Avropa Birliyinin “Şərq tərəfdaşlığı” proqramı çərçivəsində tərəfdaşlarla əlaqələrin gücləndirilməsi vacibdir. “Fikrimcə, NATO-nun Azərbaycanda Əlaqə səfirliyinin, Alyans baş katibinin xüsusi nümayəndəsinin və region üzrə əlaqə zabitinin fəaliyyəti təkmilləşdirilməli və səlahiyyətləri artırılmalıdır. NATO-nun Bakıda real işləyəcək əlaqə ofisi yaradılmalıdır, gələcəkdə isə ölkənin 3-4 bolgəsində belə alt-ofislər formalaşdırılmalıdır”, - deyən C.Sümərinli ayrıca olaraq Alyansın Azərbaycan kimi tərəfdaş ölkələrin vətəndaş cəmiyyətləri, QHT və KİV-lər üzrə xüsusi əməkdaşlıq strategiyası qəbul olunmasını zəruri hesab edir.

“NATO Azərbaycanın regionlarında daimi sorğuların keçirilməsi, bununla da ictimai rəyi öyrənmə prosesinə dəstək verməlidir, ictimai rəydə NATO əleyhinə olan məqamları ortaya çıxarıb onların həlli istiqamətində addımların atılması vacibdir. Təhlükəsizlik və müdafiə sektorunda, eyni zamanda siyasi sahədə NATO standartlarına uyğun islahatlarda vətəndaş cəmiyyətinin yaxından iştirak etməsinə nail olunmalıdır. İPAP və digər sənədlərin məzmunu, eyni zamanda bu sənədlər üzrə həyata keçirilən tədbirlər üzrə cəmiyyətə davamlı məlumat verilməlidir, ümumiyyətlə NATO ilə əməkdaşlıq barədə sistematik açıqlamaların verildiyi mexanizm yaradılmalıdır. Tərəfdaş ölkələr üzrə NATO-dan göndərilən qiymətləndirici missiyaların gəldiyi nəticələr ictimaiyyətə açıqlanmalıdır, Alyansdan Azərbaycana təşrif buyuran nümayəndələrin vətəndaş cəmiyyəti nümayəndələri ilə görüş qaydaları dəqiqləşdiriməlidir”, - deyə o bildirdi.

Onun sözlərinə görə, NATO-nun Cənubi Qafqazdakı münaqişələrin, o cümlədən Dağlıq Qarabağ münaqişəsinin həllində iştirakı barədə strateji qərarı olmalıdır. “Artıq bunun vaxtı yetişib”, - deyə o qeyd etdi.

Milaz.info
 
The role of “Fire alarm team” in Azerbaijan - OPINION
02:27 27-06-2012
Jasur Sumerinli,
the director of “Doctrine” Journalists’ Military Research Center

First, I would like to stress that there is not any law and rule to regulate the activity of “Fire alarm team” (media and NGOs which are interested in defence and security sector - this expression by Peter Feaver, USA prof.) in Azerbaijan. That’s why we can’t talk the official role of NGOs and media in civil-military relations. But we can talk about an example – for instance, last years, the group of NGOs and the Ministry of Justice established the special mechanism, which called The Public Committee of public control over penitentiaries. But it is a only sample in this field.

Unfortunately, we have not similar committee in defense sector.
But it is important to clarify the role of media and NGOs in legislation and decision-making process. Even not official, unformally Azerbaijan’s NGOs and media structures have chance to influence on some decision-making process in parliament and in government structures. For instance, the organization which I lead – “Doctrine” Journalists’ Military Research Center prepared number of legislation proposals and sent them to the parliament last year. There were suggestions about welfare of servicemen, how government must strengthen the social glory of military men. Some other NGOs in our Coalition realized several projects about military issues. I would like to stress that the Council on State Support for NGOs under the President supported several projects of NGOs about military issues. This is very important issue, but is not enough.

But in majority government is not interested in activities of NGOs and media structures in defense and security sector. There are a lot of number trial proceedings in Azerbaijan related with newspapers’ articles about defence reforms. Media tries to pay more attention to army situation, official structures, specially the Ministry of Defence tries to stop similar publication. During last year 5 officials from Ministry of Defence of Azerbaijan filed a number of lawsuits against to one of famous newspapers of Azerbaijan Republic “Yeni Musavat” related to articles where were mirrored the corruption facts in Ministry of Defence. Now the officials from MOD wanted about 500 thousands euros from these newspapers. In other hand, the power structures, specially the Ministry of Defence lead black PR company against several newspapers, NGOs and websites where enlightened the problems in Azerbaijan Army. MoD is not interested to answer media questions about military reforms.

That’s why I think that the role of “the alarm team” is not effective in Azerbaijan’s military decision-making process. But I hope that Azerbaijan government will realize the different obligations which were mirrored in several documents which signed with OSCE and NATO. Specially, IPAP, PAP-DIB (Partnership Action Plan – Defence Institutions Buildings) and other ambitional documents give great opportunities to take measures in this field.

(it was presented in conference “Reform Initiatives for Caucasian Security Institutions”, 26 June 2012, Istanbul)
Təhlükəsizlik və Müdafiə sektorunun 6 ay ərzində itkiləri - STATİSTİKA
23:32 01-07-2012
“Doktrina” Jurnalistlərin Hərbi Araşdırmalar Mərkəzinin kütləvi informasiya vasitələri üzərində həyata keçirdikləri monitorinqin nəticələrinə əsasən adlı siyahı üzrə 2012-ci ilin geridə qalan dövründə Azərbaycan təhlükəsizlik və müdafiə sektorunun itkiləri 47 nəfər təşkil edib.
Ötən müddətdə 52 nəfər yaralanıb (və ya xəsarət alıb).

Müvafiq dövrdə dünyalarını dəyişənlərin 10-u döyüş (10 nəfər erməni gülləsi), 2-si mina, 1-i əməliyyat, 34-ü isə qeyri-döyüş itkiləridir.

5 nəfər bədbəxt hadisədən (dəm qazından boğulma, elektrik cərəyanı vurma, üzərinə beton düşmə, suda boğulma), 4 nəfər avtoqəzadan, 1 nəfər naməlum səbəbdən, 2 nəfər ehtiyatsızlıqdan, 8 nəfər qeyri-nizamnamə hərəkətlərindən, 6 nəfər xəstəlikdən dünyasını dəyişib. 8 nəfər intihar edib (güllələnmə). Dünyasını dəyişənlərin 41-i Müdafiə Nazirliyinin, 4-ü Dövlət Sərhəd Xidmətinin, 1-i Daxili Qoşunların, 1-i isə Milli Təhlükəsizlik Nazirliyinin hərbi qulluqçularıdır.

Yaralıların və xəsarət alanların sayı 52 nəfər təşkil edib. Onların 10-u qeyri-nizamnamə hadisələrindən (o cümlədən ehtiyatsızlıqdan), 8-i erməni gülləsindən, 4 nəfər mina partlayışından, 1-i xəstəlikdən, 6-ı bətbəxt hadisədən (donvurma, qonşusunun bıçaq yarası, üzərinə beton düşmə), 3-ü əməliyyat tədbirlərindən, 20-si isə avtoqəza nəticəsində yaralanıblar və ya xəsarət alıblar. 47 nəfər Müdafiə Nazirliyinin hərbi qulluqçusu (o cümlədən 1 nəfər Ali Hərbi Məktəbin kursantı), 4 nəfər Milli Təhlükəsizlik Nazirliyinin hərbi qulluqçusu, 1 nəfərsə FHN Akademiyasının müdavimidir.
ABŞ-la Azərbaycan arasında nə baş verir? Cəsur Sümərinlinin mövqeyi
16:58 03-07-2012
“Silahlanma məsələsində Qərb Azərbaycanın yanında olmasa, onda rəsmi Bakı Rusiyanın təsirində qalmaqda davam edəcək”

Mətbuatın yazdığına görə və rəsmi Bakının təsdiq etdiyinə görə ABŞ Dövlət Departamenti Azərbaycanı öz helikopterləri üçün Amerika hərbi avadanlığını almaq hüququna malik ölkələr siyahısından çıxarıb. Bu məlumat mətbuatda müxtəlif ekspertlər tərəfindən fərqli şəkildə şərh olunur.

"Doktrina" Jurnalistlərin Hərbi Araşdırmalar Mərkəzinin direktoru Cəsur Sümərinlinin fikrincə, ABŞ-la Azərbaycan arasında qeyd edilən istiqamətdə indiyə qədər ciddi əməkdaşlıq olmayıb. “Müzakirələrin, danışıqların getdiyinə dair müxtəlif məlumatlar var idi. Amma indiyədək Azərbaycanla ABŞ arasında hərbi vertolyotlar və digər texnikalar üçün hərbi avadanlıqların alınmasına dair hər hansı saziş imzalanmayıb”, - deyən C.Sümərinli milaz.info portal;na bildirdi ki, ümumiyyətlə, 1992-ci ildə erməni lobbisinin təşəbbüsü ilə ABŞ Konqresi tərəfindən "Azadlığa Dəstək" Aktına qəbul edilən və Azərbaycana Amerikanın birbaşa dövlət yardımını yasaqlayan 907-ci düzəlişə müvafiq olaraq ABŞ-ın Azərbaycana hərbi baxımdan dəstək göstərməsi ciddi şəkildə məhdudlaşıb.

"2001-ci il 11 sentyabr hadisələrindən sonra Azərbaycanın beynəlxalq terrorizmlə mübarizədə dəstəyini təmin etmək məqsədilə ABŞ Konqresinin prezidentə düzəlişin hüquqi qüvvəsini dayandırmaq səlahiyyətini verməsi bir sıra ümidlər yaradırdı. Bundan irəli gələrək son illərdə ABŞ Azərbaycana terrorizmlə mübarizə üzrə müfaviq kiçikhəcmli hərbi yardımlar göstərib. Bu yardımlar içərisində rabitə avadanlıqları, radar aparatları, müşahidə sistemləri və s. var. Amma bu prosesin daha da irəliləməsi, tərəflər arasında gerçək hərbi-texniki əməkdaşlığın qurulması istiqamətində ciddi əngəllər qalırdı", - deyə C.Sümərinli qeyd edir.

Onun sözlərinə görə, 2009-2011-ci illərdə Azərbaycan və ABŞ arasında müdafiə sənayesi sahəsi üzrə müəyyən danışıqların getməsi barədə məlumatlar ortaya çıxdı. İlk dəfə olaraq müdafiə sənayesi naziri Yavər Camalov 2010-cu ilin mayında ABŞ-ın 3 şirkəti ilə Azərbaycanın müdafiə sənayesi müəssisələri arasında danışıqlar aparıldığını qeyd etdi: “Ehtimallar var idi ki, yaxın perspektivdə Azərbaycan - ABŞ hərbi əməkdaşlığı irəliləyəcək. Bir sıra məlumatlar ortaya çıxdı, bəlli oldu ki, 2006-2011-ci illərdə ABŞ Azərbaycana "Cummins6v" mühərriki, "Falcon II" tipli radiostansiya satıb. Əslində bu proses həm Azərbaycana, həm də ABŞ-a faydalı idi. Azərbaycan bu tip əməkdaşlıqla həm keyfiyyətli və müasir silahlar, hərbi texnikalar əldə etmək proqramını yerinə yetirir, həm də ordu quruculuğunu NATO standartlarına uyğun həyata keçirmək fəlsəfəsinə riayət etmə görüntüsü yaradırdı. ABŞ isə neft hesabına varlanan Azərbaycan kimi müştərini itirmək istəmirdi”.

C.Sümərinlinin sözlərinə görə, NATO-nun Çikaqo sammitindən sonra NATO ilə aktiv tərəfdaşlıq siyasəti yürüdən ölkələrlə münasibətdə fərqliliklərin olması, onlarla hərbi əməkdaşlığın daha da irəliləməsi sahəsində ciddi tədbirlərə başlanması barədə qərarın verildiyi barədə məlumat vardı. “Təsadüfi deyil ki, Azərbaycanın hərbi-texniki əməkdaşlıq etdiyi NATO ölkələrinin sayı 7-yə yaxındır və bu göstəricinin yaxın perspektivdə artacağı gözlənilir”.

“Lakin göründüyü kimi, ABŞ rəhbərliyi erməni lobbisi qarşısında zəif görünür. Erməni lobbisi Vaşinqtonun Bakı ilə yaxınlaşmasına hər baxımdan mane olmağa çalışır, hardasa buna nail ola bilir. Əldə olan məlumatlar onu deməyə əsas verir ki, erməni lobbisi ABŞ və Azərbaycan arasında perspektivə ünvanlanmış hərbi-texniki əməkdaşlıq münnasibətləri barədə məlumat edərək onu pozmağa çalışıblar. Bu minvalla ermənilərin NATO-nun digər ölkələrinə də təsir və təzyiq siyasətinə başlaması istisna deyil. Rəsmi Bakı bütün bunları göz önünə almalı və hücum diplomatiyasını işə salmalıdır”, - deyə C.Sümərinli bildirdi.

Hər halda, C.Sümərinli nikbindir. Onun sözlərinə görə, ABŞ Dövlət Departamentinin sözügedən yasağı Azərbaycan - ABŞ hərbi-texniki əməkdaşlığının dayanmasına gətirib çıxarmayacaq. "Müxtəlif variantlar, yollar və imkanlar var bu əməkdaşlığı inkişaf etdirmək üçün. Yəqin ki, tərəflər bu istiqamətdə müzakirələri davam etdirəcəklər. Bu, Azərbaycandan çox ABŞ-ın marağında olan məsələdir", - deyən C.Sümərinlinin fikrincə, silahlanma məsələsində Qərb Azərbaycanın yanında olmasa, onda rəsmi Bakı Rusiyanın təsirində qalmaqda davam edəcək...